|
~{ ياصاحبي وان ظاقت صدور الاقراب والوقت في ظهري نهشنـي بنابـه
|
انت الذي باقي ليا طحت منصـاب فصل الربيع ارضك وكفك سحابـه
|
كثير من خاويت لاشك وش جـاب قسمي من اصحابـي مـلام وكأبـه
|
اتعبت رجلي بيـن وادي ومرقـاب وسريت ليل" ماحـد" قـد سرابـه
|
سعيـت بالدنيـا ودونـت بكتـاب وكـل يـدون قصتـه فـي كتابـه
|
كثر الأسامي بالشبه ربع واجنـاب وافعالهـا والله ماهـي اتشابـهـه
|
احد" بهم قاسي كما فـاس حطـاب عايش و بين النـاس كنـه بغابـه
|
واحد" عزل نفسه ولا يبدي اسباب يعني علـى ماقيـل ماينغـزا بـه
|
وصدفت لي وجه" مع الناس مرتاب اسمه صديق" والفعل بـه غرابـه
|
وقت الرخا اشجع من حجاب وعقاب فعـل النـوادر حينهـا تنهقـابـه
|
ولبديت له حاجه فلا يفتـح البـاب اثره مـع الصكـات ينصـك بابـه
|
وين انت ياللي لاحتما الماقف وهاب ولد الردي واعطى العذر في غيابه
|
احرجت انا في ماقفـي كـل كـذاب واحد واناطح في جمـوع العصابـه
|
ماكلت عزومـي وجاهـدت طـلاب ولا استرحت وقلـت عنـي نيابـه
|
مير البلا بالوقـت لاصـار نهـاب والحق عمار القلب تالـي خرابـه
|
ياكثر ماطاحت من عيوني اشنـاب ولا طاح لي دمـع" ولاكنـت أبـه
|
احد" اشوفـه كالنـداوي وجـذاب واحد" لـك الله مايسـاوي ذبابـه
|
كان الرجل عايش ولايحسب حساب يفنـا وحنـا ماحسبنـا حسـابـه
|
وانا حسبت حساب جرحي والاسباب بيض النوايا فـي زمـان الذيابـه
|
يذا الزمن حقـك تعرضنـي النـاب كل مـانبرى جرح" جنابـك بدابـه
|
جرح الخطا وشعاد ياجرح الاصحاب كان القلـم باحـك بعـذر انسكابـه
|
المسأله اكبر مـن الظـن لاخـاب المسأله جـرح النفـوس وعذابـه
|
جرح" يشيب بي وانا عادني شاب الله يعيـض اللـي تشيـب شبابـه
|
الهم ياكل بالحشا خلـف الاحـداب كـن الحشـا زاده ودمـي شرابـه
|
والله مايقطـع ولا يعتـق ارقـاب الا الـذي كـل الخلايـق تهـابـه
|
ياواحد" مادون عبدك لـك حجـاب وكل" علـى بابـك يحصـل ثوابـه
|
لو شحت الدنيا وشحـن الاقـراب انت الذي تعطي صـدوق الطلابـه }~
|
